Ce site me permet de témoigner de la vie de mon père et de la vraie histoire du Rwanda

Mbonyumutwa Dominiko (01.1921 – 26.07.1986). Yabaye Perezida wa mbere w’u Rwanda ubwo yayoboraga Repubulika by’agateganyo kuva kuya 28 Mutarama 1961 kugeza kuya 26 Ukwakira 1961. Niwe wasimbuye Umwami Kigeri V Ndahindurwa ku buyobozi bukuru bw’igihugu, igihe Kongere y’i Gitarama yari imaze guca ubwami no gushinga Repubulika y’u Rwanda. Yasimbuwe ku mwanya wa Perezida na Kayibanda Geregori.

Mbonyumuta Dominiko yavukiye i Mwendo mu Kabagari muri Mutarama 1921. Ababyeyi be ni Semushi na Nyirantaho Veridiyana. Amashuri abanza yayatangiriye i Mwendo mu mwaka w’1929 ayarangiriza i Muyunzwe kuri Misiyoni mu mwaka w’1936. Amashuri yisumbuye yayize i Zaza mu ishuri ry’Abafureri b’Abayozefiti ryateguraga abarimu.

Mu mwaka w’1941, Mbonyumutwa Dominiko yashakanye na Nyirabuhake Sofiya babyarana abana 8. Mu mwaka w’1946, Mbonyumutwa Dominiko yafashe abana 2 ba mukuru we Rugina wari umaze kwitaba Imana abarera nk’abe.

Arangije ishuli ry’ubwarimu, mu mwaka w’1940 yakoze akazi k’ubwarimu muri SOMUKI aho yigishaga abana b’ababiligi. Muri 1942 yagiye kwigisha ku Kamonyi, aho yakoze kugeza mu mwaka w’1945. Muri 1945 yasubiye i Mwendo, aho yigishije kuri Misiyoni ya Muyunzwe. Mu mwaka w’1948 Mbonyumutwa yahagaritse gukora akazi k’ubwarimu, ajya gukora nk’umukarani kuri Teritwari ya Gitarama.

Mu mwaka w’1952 Mbonyumutwa yabaye sushefu wa Mahembe ku Ndiza. Yahawe susheferi nshya. Yari ingarigari ya shefu Kayumba Alegizanderi wategekaga Ndiza akaba n’umwiru ukomeye. Yazanye uburyo bushya bwo gutegeka susheferi. Yahaye indangamuntu abaturage, bareka kwitwa aba shefu runaka. Yakuyeho ibyo guha amaturo umuzungu wabaga yaje Kanda hano ukomeza usome

Imvo n’Imvano ku mwana wa Dominiko Mbonyumutwa uvuga ko se atigeze yica abatutsi

Marie Claire Mukamugema, umwana wa 3 wa Dominiko Mbonyumutwa, perezida wa mbere w’u Rwanda, mu kiganiro mpaka na Boniface Benzinge wari umusushefu ku butegetsi bwa gikolonize mu Rwanda. Imvo n’imvano kandi yanavuganye n’umukambwe Paskali Karekezi, umwe mu bakubise Mbonyumutwa ku itariki ya 1/11/1959.

A défaut de pouvoir aller sur sa tombe, je vous invite ici pour son souvenir

Le bouclier de la jeune république rwandaise et un honnête politicien

Le pays lui a rendu hommage par des funérailles nationales Lire la suite…

Mbonyumutwa Dominiko yabyirutse ate, yakoze iki mu buzima bwe?

Mbonyumutwa Dominiko niwe wabaye perezida wa mbere wategetse u Rwanda uko turuzi ubu mu mwaka w’1961, asimbuye uwari umwami Kigeri V wavutse yitwa Ndahindurwa Yohani Batisita. Ndabagezaho amwe mu mateka ye, ibyo yakoreye igihugu cye n’ubuzima bwe muri rusange.